CONTENUTO DELLA PAGINA

CULTURA E TURISMO

CULTURA E TURISMO

Ufìtziu Limba Sarda

Sos isportellos linguìsticos

Sos isportellos linguìsticos territoriales (connotos comente Ufìtzios de sa Limba Sarda) naschent pro more de sa lege natzionale 482/1999 e de su D.P.R. 345 de su 2 de maju de su 2001.
Sa funtzione de custos isportellos est sa de assegurare sa presèntzia in totue de operadores cumpetentes chi potzant fàghere promotzione a sa limba sarda dende•li visibilidade in intro de sas amministratziones pùblicas e de sos logos in ue s'agatant.
Custos ufìtzios los ant ativados in belle totus sas realidades sardas. Barantases Comunes de sa Sardigna tzentrale oe òperant suta sa ghia de sa Provìntzia de Nùgoro chi, in calidade de Ente capofila, faghet de coordinadore de sas atividades.

Ite sunt e a ite serbint sos isportellos linguìsticos
Sa funtzione primària de sos isportellos linguìsticos est cussa de sa promotzione de sa limba, e pro fàghere custu tocat in antis de totu chi s'ufìtziu siat visìbile e bene cullegadu cun totu sos ufìtzios de s'ente in ue òperat.
S'ànima de s'ufìtziu est s'operadore. Ma ite faghet un'operadore de un'ufìtziu de sa limba sarda?Intantu e pro prima cosa devet istimare sa limba.
Custu traballu, prus chi no àteros, si faghet cun su coro, ideende ogni die carchi cosa a nou pro sa promotzione de sa limba.S'amore ebia non bastat, però… tocat chi s'operadore tèngiat sos istrumentos pro pòdere traballare, e duncas sa connoschèntzia de sa limba faeddada e de sas normas de sa limba iscrita.Bi cheret finas sa capatzidade de cumprendere sas chi podent èssere sas atziones prus adatas in su territòriu in ue si òperat.Est importante meda sa capatzidade de s'ischire raportare cun sa gente, pro traballare in sinergia cun sos àteros dipendentes e organismos chi si òcupant de sa promotzione de sa limba.
In su traballu de sos isportellos est basilare sa capatzidade de ischire comunicare.
Su messàgiu prus bellu, si benit propostu in una manera isballiada, potet otènnere efetos negativos e torrare in dae segus comente unu boomerang.In definitiva, s'operadore de un'ufìtziu de sa limba sarda est una madrighe chi agiuat su territòriu a cumprèndere chi non b'at birgongia a impreare sa limba sarda in cale si siat ocasione.

documenti allegati
Nome documento Formato Peso
Avisu pro sa colònia estiva Formato PDF 223 Kb
Atestados de diploma 2012 Formato RAR 1431 Kb
SAS OLIMPÌADES DE SAS LIMBAS Formato PDF 185 Kb
Ischedas tècnicas de sos brunzetos Formato PDF 1075 Kb
Presentada in Power Point de su museu Archeològicu e de sos repertos Formato FNC 8078 Kb

Attenzione! Per la consultazione della modulistica, degli allegati e dei documenti firmati digitalmente, è necessario avere installati, sul proprio computer, gli appositi programmi o Readers. Per scaricarli gratuitamente è sufficiente portarsi alla pagina Programmi utili del portale del Comune e seguire le istruzioni.

Torna all'inizio della pagina

AIUTI, SOTTOMENU DELLA PAGINA E ALTRE SEZIONI DEL SITO

Torna all'inizio della pagina